Repjuolían 2016 frá Vallanesi er nú á leiðinni í verslanir. Repjuolía er einstaklega holl og hentug til matargerðar, kaldpressuð jómfrúarolía sem hentar best að nota ferska í ýmsa matargerð. Fæst í 250 og 500 ml flöskum

Morgunverðarlína Móður Jarðar inniheldur íslenskt bygg og heilhveiti. Morgungrautur, brauð eða gómsætar lummur eða vöfflur sem innhalda hátt hlutfall trefja og flókin kolvetni og undirbúa okkur vel fyrir daginn.

Perlubygg frá Móðir Jörð  er sérvalið korn og slípað á þann hátt að kornið verður rúnað og hvítt svo minnir á perlur. Perlubygg er mjúkt og fágað en suðutími er einungis 15 mínútur. Prófaðu Perlubygg í „byggottó“ eða í létt salöt eða deserta.

Sulturnar okkar eru komnar í nýjan búning. Þær innihalda íslensk ber og rabarbara og sumar hverjar kryddum við með sætum kryddum. Við höldum sykrinum í lágmarki svo berjabragðið fái notið sín.

Móðir Jörð framleiðir matvörur úr korni og grænmeti úr eigin ræktun í Vallanesi. Allar okkar afurðir eru framleiddar með alþjóðlega vottun um lífræna ræktun og framleiðslu.

Móðir Jörð hefur byggt hús í Vallanesi úr viði úr skógrækt staðarins.  Húsið hýsir verslun Móður Jarðar þar sem í boði eru ýmsar lífrænar mat- og heilsuvörur sem framleiddar eru á staðnum úr íslensku hráefni, sem og ferskt grænmeti.   Í Vallanesi er boðið uppá staðbundinn morgunverð úr íslensku byggi og létta grænmetisrétti í hádeginu úr fersku, íslensku og útiræktuðu grænmeti.  Opið er mánudaga – laugardaga frá kl 8-18.00 frá apríl til  október.

Við bjóðum gistingu í uppábúnum rúmum og svefnpokaplássum og er gestum boðinn morgunverður úr hráefni af staðnum.

Grænmetisréttir eru ljúffengir og fjölbreyttir.  Uppskriftabankinn okkar inniheldur fjölda uppskrifta af ljúffengum grænmetisréttum sem eru stútfullir af hollustu.

Bygg er sú korntegund sem fylgt hefur manninum hvað lengst og hefur margsannað gildi sitt sem úrvals heilkorn.  Við gefum þér góð ráð til að auka hlutdeild heilkorns í mataræði með einföldum uppskriftum.

Verslun Móður Jarðar í Vallanesi er opin frá maí út október frá 9-18 alla daga.  Þar bjóðum við nýuppskorið grænmeti og lífrænar framleiðsluvörur.   Hægt er að bóka morgunmat sem grundvallast á hráefni sem ræktað er á staðnum með því að panta í gegnum tölvupóst info@vallanes.is

Móðir Jörð hlaut Fjöregg MNÍ (Matvæla-og næringarfræðingafélag Íslands) 2015 en verðlaunin eru veitt fyrir lofsvert framtak á matvæla- og næringarsviði. Verðlaunagripurinn er íslenskt glerlistaverk sem táknar Fjöreggið og hefur verið gefið af Samtökum iðnaðarins frá upphafi, í yfir 20 ár. Í umsögn dómnefndar segir meðal annars: „Móðir Jörð er tilnefnt fyrir að framleiða spennandi íslensk matvæli úr jurtaríkinu. Fyrirtækið byggir sína framleiðslu á sjálfbærni og lífrænt ræktuðu hráefni. Hjá fyrirtækinu er lögð mikil áhersla á að þróa afurðir úr nánasta umhverfi og hafa fjölmargar nýjungar komið frá Móður Jörð á síðustu árum”. Á myndinni eru tilnefnd;  Eirný Sigurðardóttir frá Búrinu ostabúð,  Ólöf Kristín Sívertsen frá Skólar efh, Eygló Björk Ólafsdóttir frá Móðir Jörð, Klaus Kretzer frá Skaftafell Delicatessen og Ragnheiður Héðinsdóttir frá Samtökum iðnaðarins sem afhenti Fjöreggið að þessu sinni.