Ræktunaraðferðir

Í lífrænni ræktun  er stuðlað að langtímafrjósemi jarðvegs, t.d. með skiptiræktun. Ekki eru notuð kemísk áburðar- og eiturefni sem valdið geta mengun.  Eitt grundvallaratriði í lífrænni ræktun er að loka hringrás efnanna og skila verðmætum næringarefnum sem til verða við framleiðsluna, aftur út í jarðveginn, m.a. með safnhaugagerð.   Við notumst við áburðarefni úr nærumhverfi okkar, s.s. sauðatað, fiskúrgang, afganga úr framleiðslunni okkar s.s. bygghýði og ræktum belgjurtir (t.d. lúpínu) sem áburð.

- Go back

Akuryrkjan

Akuryrkja í Vallanesi fer fram í stórum stíl með vinnuvélum.  Korni s.s. byggi og heilhveiti er sáð er að að vori (í aprí – maí) og uppskorið að hausti (ágúst – október).  Notkun varnarefna s.s. skordýraeiturs er ekki nauðsynleg við íslenskar aðstæður. 

- Go back

Grænmeti

Móðir Jörð ræktar allt sitt grænmeti í Vallanesi, á Fljótsdalshéraði sem er utan jarðhitasvæða.  Akrar eru undirbúnir að vori með því að borið er á lífrænn áburður úr safnhaug.  Öll ræktun fer fram utandyra en forræktun fer fram í óupphituðum gróðurhúsum á tímabilinu febrúar – júní.  Öll vinna við sáningu, útplöntun og uppskeru fer fram í höndunum, þ.e. engin orka önnur en mannleg orka fer í sáningu, prikklun og útplöntun, viðhald ræktunarinnar og uppskeru. Ræktunin er mjög fjölbreytt og eru í kringum 100 tegundir og afbrigði ræktaðar og nýttar til endursölu og/eða framleiðslu.

- Go back