Morgungrautur Gabríels

Morgungraut Gabríels má með einföldum hætti breyta í desert en við leyfum þér að nota ímyndunaraflið til þess.  

5 dl bankabygg
2 l vatn
2 epli skorin í litla teninga, (perur eru líka góðar)
1-2 dl rúsínur
1 msk kanill
2 tsk. salt
1-2 dl fræ eftir smekk, t.d. sólblómafræ og/eða graskersfræ.
(+ 2 tsk. hunang og 1 dl döðlur fyrir sælkerana)

Hráefnið er allt sett í pott t.d. að kvöldi og látið sjóða í u.þ.b 15 mínútur, síðan er slökkt undir og farið að sofa. Að morgni má hita grautinn upp, þó er ekki síðra að borða hann kaldan t.d. með mjólk eða nota sem músli á súrmjólkina. Grauturinn þolir vel geymslu í kæli svo tilvalið er að sjóða hann til nokkurra daga í einu.

- Back to products